Qatarning «As-Sadd» klubi joriy mavsumda mamlakat chempioniga aylandi.

Roberto Manchini boshchiligidagi jamoa musobaqa yakunlanishiga bir tur qolganida chempionlikni naqd qildi. Bu «Ash-SHamal» jamoasining «Qatar» klubiga (0:2) imkoniyatni boy berganidan so‘ng sodir bo‘ldi.

Ayni damda «As-Sadd» hisobida 21 o‘yindan so‘ng 42 ochko mavjud. «Ash-SHamal» esa 21 bahsda 37 ochko jamg‘argan.

Doha klubi o‘z tarixida 19-bor, qatorasiga esa uchinchi marta chempionlik titulini qo‘lga kiritdi. Murabbiy Manchini uchun bu faoliyatidagi 15-sovrin bo‘ldi.