Қатарнинг «Ас-Садд» клуби жорий мавсумда мамлакат чемпионига айланди.
Роберто Манчини бошчилигидаги жамоа мусобақа якунланишига бир тур қолганида чемпионликни нақд қилди. Бу «Аш-Шамал» жамоасининг «Қатар» клубига (0:2) имкониятни бой берганидан сўнг содир бўлди.
Айни дамда «Ас-Садд» ҳисобида 21 ўйиндан сўнг 42 очко мавжуд. «Аш-Шамал» эса 21 баҳсда 37 очко жамғарган.
Доҳа клуби ўз тарихида 19-бор, қаторасига эса учинчи марта чемпионлик титулини қўлга киритди. Мураббий Манчини учун бу фаолиятидаги 15-соврин бўлди.













