«Pari Sen-Jermen» markaziy himoyachisi Markinyos Chempionlar ligasi chorak finalining javob uchrashuvida «Liverpul» ustidan qozonilgan g‘alabadan (2:0) so‘ng o‘z fikrlarini bildirdi.
«Liverpul» o‘zining kuchli tomonlaridan foydalanishga harakat qildi, biroq biz ishonch bilan harakat qildik va yakunda gol urishga muvaffaq bo‘ldik. Vaziyatlardan unumli foydalanishni va o‘yin qiyinlashgan paytda bardoshli bo‘lishni bilish kerak. Birinchi uchrashuvda ko‘proq gol urishimiz mumkinligini bilardik, shu sababli bu yerda ham g‘alaba qozonishga ahd qilgan edik», – dedi Markinyos Canal+ telekanaliga bergan intervyusida.
Final yo‘llanmasi uchun «PSJ» «Bavariya» yoki Madridning «Real» jamoasi bilan bahs olib boradi.
