Nigeriyalik hujumchi Ademola Lukman Kataloniyaning «Barselona» jamoasi darvozasiga o‘yin taqdirini o‘zgartirib yuborgan va amalda klubni keyingi bosqichga olib chiqqan golni urdi. Jamoaga bor-yo‘g‘i uch oy avval kelib qo‘shilgan Lukman o‘yindan so‘ng bo‘lib o‘tgan uchrashuv haqidagi fikrlari bilan o‘rtoqlashdi.
«Ikki qismdan iborat o‘yin bo‘ldi. Tanaffus bizga o‘zimizni qo‘lga olish va boshqa tempga o‘tishga yordam berdi. Shundan so‘ng biz vaziyatlar yarata boshladik va gol urdik. Bu gol o‘yinning ikkinchi yarmida ham shu uslubda davom etishimizga imkon berdi», — deya nigeriyalik hujumchining so‘zlaridan iqtibos keltiradi BBC Sport.
