Lamin Yamal "Barselona" Chempionlar Ligasidan chiqib ketganidan so‘ng, kataloniyaliklar albatta cho‘qqiga qaytishiga va’da berdi.

"Biz borimizni berdik, ammo bu yetarli bo‘lmadi. Bu yo‘lning bir qismi xolos — cho‘qqiga chiqish uchun yuqoriga intilish kerak. Biz bu oson bo‘lmasligini va hech kim ishimizni yengillashtirmasligini bilamiz. Ammo taslim bo‘lish — biz uchun variant emas.

Bizda ruhlanish uchun ko‘plab sabablar bor va nima bo‘lishidan qat’i nazar, o‘z maqsadlarimiz sari boramiz. Har bir xato — bu dars, shubha qilmangki, biz ularning har biridan xulosa chiqaramiz.

Biz "Barsa"miz va bo‘lishimiz kerak bo‘lgan joyga qaytamiz. Ota-onam menga erkak kishi doim o‘z so‘zida turishini o‘rgatishgan. Va biz bu kubokni Barselonaga olib kelamiz", — deb yozdi Yamal ijtimoiy tarmoqlardagi sahifasida.