Londonning «Arsenal» hujumchisi Leandro Trossar Chempionlar ligasi o‘yini oldidan o‘tkazilgan matbuot anjumanida jamoa qaysi jihatlarni kuchaytirishi kerakligi haqida gapirib o‘tdi.
Lissabonning «Sporting» klubiga qarshi chorak final javob uchrashuvi 15 aprel oqshomida bo‘lib o‘tadi; ilk bahsda «kanonirlar» 1:0 hisobida ustun kelishgan edi.
«Ba’zan bizga shunchaki biroz jasurroq bo‘lish yetishmaydi, aytgan bo‘lardimki — shunchaki oldinga intilishimiz kerak. Bizdagi bor mahorat bilan har qanday raqibni mag‘lub etishga qodirmiz, ayniqsa Chempionlar ligasida», — deya futbolchining so‘zlarini keltiradi UYEFA rasmiy sayti.
