«Liverpul» bosh murabbiyi Arne Slot jamoa tarkibini shakllantirishda klub yuritayotgan strategiya haqida fikr bildirdi.

«Yaqin haftalarda aynan shunga intilishimiz kerak. Isak safga qaytgani va o‘ynashga to‘liq qodirligi yaxshi bo‘ldi. Klub o‘tish davrida ekanligi haqida allaqachon ko‘p gapirildi. Biz 5 nafarga yaqin juda iqtidorli futbolchilarni sotib olishga mablag‘ yig‘ish uchun 8 yoki 10 nafar o‘yinchini sotdik.

Biz sotib olish uchun sotishga majburmiz. Ayrim futbolchilarni tekinga (erkin agent sifatida) yo‘qotish xavfimiz bor. Bu katta muammo, biroq klub bizning model ishlayotganini ko‘rsatdi. Ko‘p marta aytganimdek, kelajak juda porloq ko‘rinmoqda, ayniqsa, agar biz shu yozda yaxshi futbolchilar ketganidan keyin ularning o‘rniga yuqori sifatli o‘yinchilarni taklif qila olsak», — deya Slotning so‘zlarini keltirmoqda Goal.com nashri Amazon Prime'ga tayanib.

Ko‘rinib turibdiki, Slot yaqinlashib kelayotgan yozgi transfer oynasida tarkibda jiddiy o‘zgarishlar bo‘lishiga sha’ma qilmoqda.