«Ливерпуль» бош мураббийи Арне Слот жамоа таркибини шакллантиришда клуб юритаётган стратегия ҳақида фикр билдирди.

«Яқин ҳафталарда айнан шунга интилишимиз керак. Исак сафга қайтгани ва ўйнашга тўлиқ қодирлиги яхши бўлди. Клуб ўтиш даврида эканлиги ҳақида аллақачон кўп гапирилди. Биз 5 нафарга яқин жуда иқтидорли футболчиларни сотиб олишга маблағ йиғиш учун 8 ёки 10 нафар ўйинчини сотдик.

Биз сотиб олиш учун сотишга мажбурмиз. Айрим футболчиларни текинга (эркин агент сифатида) йўқотиш хавфимиз бор. Бу катта муаммо, бироқ клуб бизнинг модель ишлаётганини кўрсатди. Кўп марта айтганимдек, келажак жуда порлоқ кўринмоқда, айниқса, агар биз шу ёзда яхши футболчилар кетганидан кейин уларнинг ўрнига юқори сифатли ўйинчиларни таклиф қила олсак», — дея Слотнинг сўзларини келтирмоқда Goal.com нашри Amazon Prime'га таяниб.

Кўриниб турибдики, Слот яқинлашиб келаётган ёзги трансфер ойнасида таркибда жиддий ўзгаришлар бўлишига шаъма қилмоқда.