Kiprda o‘tkazilayotgan shaxmat bo‘yicha 2026 yilgi ayollar o‘rtasidagi Nomzodlar turnirida g‘olib nomi aniq bo‘ldi.
Qozog‘istonlik grossmeyster Bibisora Asaubayeva 14-turda hindistonlik Divya Deshmux bilan qora donalarda durang qayd etdi. Ushbu bahs 36-yurishda yakunlandi. Bibisora 8.0 ochko bilan musobaqada 2-pog‘onani band etdi.
G‘oliblik esa Vayshali Ramushbabuga nasib etdi. Hindistonlik shaxmatchi 14-turda rossiyalik Katerina Lagno bilan bahs yuritdi va g‘alabani qo‘lga kiritdi. Shu tariqa, Vayshali 8,5 ochko to‘pladi hamda shaxmat toji uchun bahsda ishtirok etadigan bo‘ldi. Amaldagi chempionlik toji xitoylik Ju Venjunga tegishli.













