«Bavariya» hujumchisi Luis Dias «Real» yarim himoyachisi Eduardo Kamavinganing maydondan chetlatilishi haqida o‘z fikrlari bilan o‘rtoqlashdi.

«Hakam Kamavingani chetlatib to‘g‘ri qildi. Biz jarima zarbasini tezroq ijro etmoqchi edik, u esa to‘pni qo‘yib yubormadi», — dedi Dias El Chiringuito nashriga bergan intervyusida.

Chempionlar ligasi chorak finalidan o‘rin olgan javob uchrashuvida «Bavariya» 86-daqiqagacha — Kamavinga qizil kartochka olguniga qadar — o‘z uyida «Real»ga 2:3 hisobida imkoniyatni boy berayotgan edi. Shundan so‘ng Germaniya grandi ikkita gol urib, 4:3 hisobida g‘alaba qozondi.

Yarim finalda «Bavariya» Fransiyaning «PSJ» jamoasi bilan to‘qnash keladi. Ikkinchi juftlikda esa Londonning «Arsenal» klubi Madridning «Atletiko» jamoasiga qarshi bahs olib boradi.