«Бавария» ҳужумчиси Луис Диас «Реал» ярим ҳимоячиси Эдуардо Камавинганинг майдондан четлатилиши ҳақида ўз фикрлари билан ўртоқлашди.

«Ҳакам Камавингани четлатиб тўғри қилди. Биз жарима зарбасини тезроқ ижро этмоқчи эдик, у эса тўпни қўйиб юбормади», — деди Диас El Chiringuito нашрига берган интервьюсида.

Чемпионлар лигаси чорак финалидан ўрин олган жавоб учрашувида «Бавария» 86-дақиқагача — Камавинга қизил карточка олгунига қадар — ўз уйида «Реал»га 2:3 ҳисобида имкониятни бой бераётган эди. Шундан сўнг Германия гранди иккита гол уриб, 4:3 ҳисобида ғалаба қозонди.

Ярим финалда «Бавария» Франциянинг «ПСЖ» жамоаси билан тўқнаш келади. Иккинчи жуфтликда эса Лондоннинг «Арсенал» клуби Мадриднинг «Атлетико» жамоасига қарши баҳс олиб боради.