Roberto De Dzerbi boshqaruvidagi ilk o‘yinda «Tottenxem» jamoasi «Sanderlend»ga 0:1 hisobida imkoniyatni boy berdi. The Telegraph nashrining xabar berishicha, italiyalik mutaxassis o‘yindan so‘ng jamoa uchun mashhur «Bacchanalia» restoranida qimmatbaho kechki ovqat tashkillashtirgan.
De Dzerbi jamoaning ruhiy holatini yaxshilash maqsadida shunday yo‘l tutgan. Bundan avvalroq murabbiy «shporlar»ning asosiy muammosi aynan psixologik holat ekanligiga sha’ma qilgan edi.
«Tottenxem» futbolchilari tashrif buyurgan ushbu restoran o‘zini «eskapizmga (reallikdan qochishga) chanqoq bo‘lganlar uchun» mo‘ljallangan makon sifatida ta’riflaydi. Jamoaning hozirgi murakkab vaziyati — «shporlar»ning xavfli zonada (quyi pog‘onalarda) borayotgani hisobga olinsa, bu juda ramziy ma’no kasb etadi.
