AYEK bosh murabbiyi Marko Nikolich Konferensiyalar ligasini tark etganidan so‘ng, o‘z jamoasi bilan faxrlanishini aytdi.
Kecha gresiyalik futbolchilar chorak finalning ilk uchrashuvidagi mag‘lubiyat uchun «Rayo Valyekano»dan revansh olishlariga bir bahya qoldi. Safardagi 0:3 hisobidagi mag‘lubiyatdan so‘ng, AYEK o‘z maydonida ikkinchi bo‘lim o‘rtalariga kelib xuddi shunday hisobda oldinda borayotgan edi, biroq bitta gol o‘tkazib yubordi va musobaqadagi ishtirokini to‘xtatdi.
«Men futbolchilarimga ulardan juda faxrlanishimni aytdim. Nafaqat bugungi oqshom, balki bosib o‘tilgan butun yo‘limiz uchun. Bugun yigitlar ajoyib iroda ko‘rsatishdi, ular maydonda g‘alaba qozonishdi», — deya serbiyalik mutaxassisning so‘zlarini keltiradi UYEFA matbuot xizmati.
Nikolich jamoaga oxirigacha ishongan gresiyalik muxlislarni alohida e’tirof etib o‘tdi. Final yo‘llanmasi uchun «Rayo» Fransiyaning «Strasburg» klubiga qarshi bahs olib boradi.
