АЕК бош мураббийи Марко Николич Конференциялар лигасини тарк этганидан сўнг, ўз жамоаси билан фахрланишини айтди.
Кеча грециялик футболчилар чорак финалнинг илк учрашувидаги мағлубият учун «Райо Вальекано»дан реванш олишларига бир баҳя қолди. Сафардаги 0:3 ҳисобидаги мағлубиятдан сўнг, АЕК ўз майдонида иккинчи бўлим ўрталарига келиб худди шундай ҳисобда олдинда бораётган эди, бироқ битта гол ўтказиб юборди ва мусобақадаги иштирокини тўхтатди.
«Мен футболчиларимга улардан жуда фахрланишимни айтдим. Нафақат бугунги оқшом, балки босиб ўтилган бутун йўлимиз учун. Бугун йигитлар ажойиб ирода кўрсатишди, улар майдонда ғалаба қозонишди», — дея сербиялик мутахассиснинг сўзларини келтиради УЕФА матбуот хизмати.
Николич жамоага охиригача ишонган грециялик мухлисларни алоҳида эътироф этиб ўтди. Финал йўлланмаси учун «Райо» Франциянинг «Страсбург» клубига қарши баҳс олиб боради.
