Himoyachi Antonio Ryudiger katta ehtimol bilan «Real»da qoladigan bo‘ldi. Jurnalist Matteo Morettoning xabar berishicha, germaniyalik futbolchi madridliklar bilan amaldagi shartnomasini yana bir mavsumga — 2027 yilning o‘rtalariga qadar uzaytirish bo‘yicha kelishuvga erishgan.
Antonio Ryudiger 2022 yilning yozida «Chelsi»dan erkin agent sifatida o‘tganidan beri «Real» sharafini himoya qilib kelmoqda. O‘shandan beri himoyachi 177 ta rasmiy uchrashuvda maydonga tushib, o‘z hisobiga 8 ta gol va 4 ta golli uzatmani yozdirib qo‘ydi.
Hozirda «Real» Ispaniya chempionati turnir jadvalida ikkinchi o‘rinni egallab turibdi. Alvaro Arbeloa shogirdlari peshqadam «Barselona»dan 9 ochkoga ortda qolmoqda.
