Ҳимоячи Антонио Рюдигер катта эҳтимол билан «Реал»да қоладиган бўлди. Журналист Маттео Мореттонинг хабар беришича, германиялик футболчи мадридликлар билан амалдаги шартномасини яна бир мавсумга — 2027 йилнинг ўрталарига қадар узайтириш бўйича келишувга эришган.
Антонио Рюдигер 2022 йилнинг ёзида «Челси»дан эркин агент сифатида ўтганидан бери «Реал» шарафини ҳимоя қилиб келмоқда. Ўшандан бери ҳимоячи 177 та расмий учрашувда майдонга тушиб, ўз ҳисобига 8 та гол ва 4 та голли узатмани ёздириб қўйди.
Ҳозирда «Реал» Испания чемпионати турнир жадвалида иккинчи ўринни эгаллаб турибди. Альваро Арбелоа шогирдлари пешқадам «Барселона»дан 9 очкога ортда қолмоқда.
