«Napoli» bosh murabbiyi Antonio Konte joriy mavsum yakunlanganidan keyin katta ehtimol bilan klubdagi faoliyatini davom ettirmaydi. Jurnalist Paolo Barjijaning xabar berishicha, «partenopeilar» prezidenti Aurelio de Laurentis murabbiy bilan hamkorlikni davom ettirish niyatida emas.
Taxminlarga ko‘ra, aynan shu sababli klub rahbari murabbiyni Italiya terma jamoasiga qo‘yib yuborishga tayyorligi haqida omma oldida xotirjam gapirmoqda. Shuningdek, sport direktori Jovanni Manna ham kelayotgan yozda «Napoli»dagi lavozimini tark etish ehtimoli juda yuqori.
Antonio Kontening o‘rnini egallashga asosiy nomzodlar sifatida Fabio Grosso va Vinchenso Italyano ko‘rilmoqda.
