Hozirda Braziliya terma jamoasini boshqarayotgan mashhur murabbiy Karlo Anchelotti Italiya futbolidagi muammolar haqida gapirdi. Ekspertning ta’kidlashicha, A Seriyada va terma jamoa darajasida futbolchilarga tezkorlik yetishmayapti.
«Gap nafaqat o‘yin tezligi, balki mental temp — doimiy ravishda o‘yin ichida bo‘lish va intensivlik haqida bormoqda. Bu shunchaki quruq gaplar emas, intensivlik butun o‘yin davomida saqlanib qolishi kerak. Italiya futboli bu xususiyatni yo‘qotib qo‘ydi», — deya murabbiyning so‘zlarini keltiradi Il Giornale.
