Ҳозирда Бразилия терма жамоасини бошқараётган машҳур мураббий Карло Анчелотти Италия футболидаги муаммолар ҳақида гапирди. Экспертнинг таъкидлашича, А Серияда ва терма жамоа даражасида футболчиларга тезкорлик етишмаяпти.
«Гап нафақат ўйин тезлиги, балки ментал темп — доимий равишда ўйин ичида бўлиш ва интенсивлик ҳақида бормоқда. Бу шунчаки қуруқ гаплар эмас, интенсивлик бутун ўйин давомида сақланиб қолиши керак. Италия футболи бу хусусиятни йўқотиб қўйди», — дея мураббийнинг сўзларини келтиради Il Giornale.
