«Manchester Siti» himoyachisi Yoshko Gvardiol og‘ir jarohatdan so‘ng tiklanish jarayonini davom ettirmoqda.
Jutarnju.hr nashrining xabariga ko‘ra, xorvatiyalik futbolchi yakka tartibdagi dastur asosida mashg‘ulotlarni qayta boshlagan va taxminan 22 may kuni maydonga qaytishi mumkin. Xorvatiya terma jamoasi Gvardiol 100 foiz tayyor bo‘lmasa-da, uning Angliyaga qarshi Jahon chempionati uchrashuvigacha tayyor bo‘lishi uchun 17 iyunga qadar bir nechta o‘yinlarda ishtirok etishini rejalashtirmoqda.
Eslatib o‘tamiz, Yoshko Gvardiol shu yilning yanvar oyida «Chelsi»ga qarshi o‘yinda (1:1) o‘ng oyoq katta boldir suyagining sinishi jarohatini olgan edi. Xorvatiyalik futbolchi jarrohlik amaliyotini o‘tagan.
