«Manchester Yunayted» bosh murabbiyi Maykl Kerrik yarim himoyachi Brunu Fernandeshning o‘yini haqida o‘z fikrlari bilan o‘rtoqlashdi.
Shanba kuni «qizil iblislar» Londonda «Chelsi» ustidan minimal hisobda g‘alaba qozonishdi. Uchrashuvdagi yagona gol muallifi Mateus Kunya bo‘ldi, unga golli uzatmani esa Fernandesh yetkazib berdi.
«Brununing ta’siri ulkan edi va shunday bo‘lib qolmoqda. U aksariyat o‘yinlarda ishtirok etadi, doimiy ravishda yaxshi sport formasida va g‘alabalarga chanqoq. Uning maydon markazidagi roli o‘zgarib turdi, lekin u jamoa manfaati uchun bunga rozi bo‘ldi. Fernandesh — yorqin shaxs, u sardorlik bog‘ichini shunchaki taqib yurgani yo‘q. U boshqalarga o‘rnak bo‘la oladi va jamoadoshlarini o‘z ortidan ergashtiradi», — deya Kerrikning so‘zlarini TNT Sports nashri keltirmoqda.
