«Манчестер Юнайтед» бош мураббийи Майкл Кэррик ярим ҳимоячи Бруну Фернандешнинг ўйини ҳақида ўз фикрлари билан ўртоқлашди.
Шанба куни «қизил иблислар» Лондонда «Челси» устидан минимал ҳисобда ғалаба қозонишди. Учрашувдаги ягона гол муаллифи Матеус Кунья бўлди, унга голли узатмани эса Фернандеш етказиб берди.
«Брунунинг таъсири улкан эди ва шундай бўлиб қолмоқда. У аксарият ўйинларда иштирок этади, доимий равишда яхши спорт формасида ва ғалабаларга чанқоқ. Унинг майдон марказидаги роли ўзгариб турди, лекин у жамоа манфаати учун бунга рози бўлди. Фернандеш — ёрқин шахс, у сардорлик боғичини шунчаки тақиб юргани йўқ. У бошқаларга ўрнак бўла олади ва жамоадошларини ўз ортидан эргаштиради», — дея Кэррикнинг сўзларини TNT Sports нашри келтирмоқда.
