«Napoli» ustozi Antonio Konte A Seriyaning 33-turidan o‘rin olgan «Lasio»ga qarshi uchrashuv yakunlari haqida to‘xtaldi. Neapolliklar ushbu bahsda 0:2 hisobida imkoniyatni boy berishdi.
"Bu bizning tomonimizdan o‘tkazilgan yaxshi o‘yin bo‘lmadi, yarim himoyada juda past sifatli o‘yin ko‘rsatdik. "Lasio" bizni kutib oldi va qarshi hujumlarda zarba berdi. To‘p nazorati bizda 70 foiz bo‘ldi, biroq darvoza sohasiga birorta ham aniq zarba yo‘llamadik", — deya Kontening so‘zlarini TuttoMercatoWeb keltirmoqda.
"Ehtimol, "Parma" bilan o‘yindan so‘ng paydo bo‘lgan salbiy alomatlarni sezishda yetarlicha yaxshi harakat qilmagandirman. Bugun biz kutilmagan qattiq zarba qabul qilib oldik", — deya qo‘shimcha qildi mutaxassis.
Ma’lumot uchun, «Napoli» hozirda 66 ochko bilan ikkinchi o‘rinda bormoqda, peshqadam «Inter» hisobida 78 ochko mavjud. Bitta zaxira o‘yiniga ega bo‘lgan «Milan» esa 63 ochko bilan uchinchi pog‘onani egallab turibdi. Mavsum yakuniga 5 ta tur qoldi.
