«Наполи» устози Антонио Конте А Сериянинг 33-туридан ўрин олган «Лацио»га қарши учрашув якунлари ҳақида тўхталди. Неаполликлар ушбу баҳсда 0:2 ҳисобида имкониятни бой беришди.
"Бу бизнинг томонимиздан ўтказилган яхши ўйин бўлмади, ярим ҳимояда жуда паст сифатли ўйин кўрсатдик. "Лацио" бизни кутиб олди ва қарши ҳужумларда зарба берди. Тўп назорати бизда 70 фоиз бўлди, бироқ дарвоза соҳасига бирорта ҳам аниқ зарба йўлламадик", — дея Контенинг сўзларини TuttoMercatoWeb келтирмоқда.
"Эҳтимол, "Парма" билан ўйиндан сўнг пайдо бўлган салбий аломатларни сезишда етарлича яхши ҳаракат қилмагандирман. Бугун биз кутилмаган қаттиқ зарба қабул қилиб олдик", — дея қўшимча қилди мутахассис.
Маълумот учун, «Наполи» ҳозирда 66 очко билан иккинчи ўринда бормоқда, пешқадам «Интер» ҳисобида 78 очко мавжуд. Битта захира ўйинига эга бўлган «Милан» эса 63 очко билан учинчи поғонани эгаллаб турибди. Мавсум якунига 5 та тур қолди.
