Madridning «Real» klubi a’zolari Yevropa Chempionlar Ligasi chorak finali doirasida Myunxenning «Bavariya» jamoasiga qarshi kechgan bahsdan (3:4) so‘ng bosh murabbiy Alvaro Arbeloani qo‘llab-quvvatlashini ma’lum qildi. Bu haqda The Athletic nashri xabar bermoqda.
Ma’lumotlarga ko‘ra, bir qator yetakchi futbolchilar ispaniyalik mutaxassis va uning murabbiylar shtabi bilan uchrashib, ularning o‘z lavozimlarida qolishlarini istashlarini bildirishgan.
Eslatib o‘tamiz, Alvaro Arbeloa joriy yilning yanvar oyida Xabi Alonso iste’foga chiqarilganidan so‘ng «qirollik klubi» boshqaruvini o‘z qo‘liga olgan edi. Hozirda murabbiyning istiqboli bo‘yicha klub rahbariyatining yakuniy qarori kutilmoqda.
