Мадриднинг «Реал» клуби аъзолари Европа Чемпионлар Лигаси чорак финали доирасида Мюнхеннинг «Бавария» жамоасига қарши кечган баҳсдан (3:4) сўнг бош мураббий Алваро Арбелоани қўллаб-қувватлашини маълум қилди. Бу ҳақда The Athletic нашри хабар бермоқда.
Маълумотларга кўра, бир қатор етакчи футболчилар испаниялик мутахассис ва унинг мураббийлар штаби билан учрашиб, уларнинг ўз лавозимларида қолишларини исташларини билдиришган.
Эслатиб ўтамиз, Алваро Арбелоа жорий йилнинг январь ойида Хаби Алонсо истеъфога чиқарилганидан сўнг «қироллик клуби» бошқарувини ўз қўлига олган эди. Ҳозирда мураббийнинг истиқболи бўйича клуб раҳбариятининг якуний қарори кутилмоқда.
