Italiya terma jamoasining sobiq bosh murabbiyi Chezare Prandelli turkiyalik hujumchi Kenan Yildizni yuqori baholaydi. Prandelli uning aynan nimasi bilan kuchli ekanini tushuntirib berdi.
«Uning yo‘qligida "Yuventus" ancha zaiflashib qoldi. Yildiz yaxshi driblingga qodir bo‘lgan kam sonli futbolchilardan biri, u kutilmagan harakatlar qiladi, o‘z fintlari va xavfli harakatlari bilan boshqa o‘yinchilar uchun bo‘sh hududlar yaratadi", — deya Prandellining so‘zlarini keltirmoqda Juvenews.eu.
Turin klubi yakshanba kuni «Bolonya» ustidan g‘alaba qozondi va A Seriya turnir jadvalida to‘rtinchi o‘ringa ko‘tarilib oldi.
