Италия терма жамоасининг собиқ бош мураббийи Чезаре Пранделли туркиялик ҳужумчи Кенан Йилдизни юқори баҳолайди. Пранделли унинг айнан нимаси билан кучли эканини тушунтириб берди.
«Унинг йўқлигида "Ювентус" анча заифлашиб қолди. Йилдиз яхши дриблингга қодир бўлган кам сонли футболчилардан бири, у кутилмаган ҳаракатлар қилади, ўз финтлари ва хавфли ҳаракатлари билан бошқа ўйинчилар учун бўш ҳудудлар яратади", — дея Пранделлининг сўзларини келтирмоқда Juvenews.eu.
Турин клуби якшанба куни «Болонья» устидан ғалаба қозонди ва А Серия турнир жадвалида тўртинчи ўринга кўтарилиб олди.
