«Manchester Siti» hujumchisi Erling Xoland APLning 33-turi doirasida Londonning «Arsenal» klubiga qarshi kechgan bahsdagi qiziqarli epizodni yodga oldi va Bernardu Silvani o‘yinning eng yaxshi futbolchisi deb atadi.
«Yodimda, havodan uzatma amalga oshirilgandi va u to‘pni boshi bilan urib yuborganidan keyin men unga shunday dedim: "Sen xuddi la’nati Fabio Kannavaroning o‘zginasi bo‘lding!“ Mayli, hammamiz ham hayotda so‘kinib turamiz. Berni, men buni hissiyotlarga boy vaziyatga aylantirmoqchi emasman, lekin...» — deya norvegiyalik futbolchining so‘zlarini keltirmoqda insayder Fabrisio Romano.
Uchrashuv 2:1 hisobida «shaharliklar» foydasiga hal bo‘ldi. Bu g‘alabadan so‘ng Gvardiola shogirdlari yo‘qotilgan ochkolar bo‘yicha peshqadam «Arsenal» bilan tenglashib oldilar.
