«Katta dubulg‘a» turkumidagi turnirlarning yetti karra g‘olibi, dunyoning ikkinchi raqamli raketkasi, ispaniyalik tennischi Karlos Alkaras nufuzli xalqaro Laureus World Sports Awards – 2026 talqiniga ko‘ra «Yil sportchisi» deb topildi. Mazkur taqdirlash marosimi ketma-ket uchinchi bor Madridda (Ispaniya) bo‘lib o‘tmoqda.
Ushbu nom uchun Alkaras bilan birga quyidagi sportchilar kurash olib borishdi:
-
Yannik Sinner (tennis, Italiya);
-
Usmon Dembele (futbol, Fransiya);
-
Arman Dyuplantis (engil atletika, Shvesiya);
-
Mark Markes (motopoyga, Ispaniya);
-
Tadey Pogachar (velosport, Sloveniya).
Qayd etish joizki, Laureus Awards mukofoti statuetkasi Cartier lyuks brendi tomonidan ishlab chiqilgan va tayyorlangan. Alkarasga ushbu sovrinni futbol afsonalari Iker Kasilyas va Luish Figu topshirishdi.
Reglamentga ko‘ra, Laureus nominasiyalarining short-listlari (nomzodlar ro‘yxati) 70 dan ortiq mamlakatning 1000 dan ziyod sport OAV vakillari o‘rtasidagi ovoz berish yo‘li bilan shakllantiriladi. Shundan so‘ng, Laureus Butunjahon sport akademiyasi mazkur ro‘yxat ichidan g‘oliblarni saralab oladi.
