«Manchester Siti» yozgi transfer oynasi uchun tarkibni tozalashni rejalashtirgan. Avvalroq jamoani yarim himoyachi Bernardu Silva tark etishi ma’lum bo‘lgan edi. Shuningdek, «shaharliklar» himoyachi Jon Stounz bilan ham xayrlashishi kutilmoqda.

Football Insider nashrining ta’kidlashicha, joriy mavsum yakunlanganidan so‘ng «Manchester Siti»dan Omar Marmush va Tijani Reynders ham ketadi. Ikkala futbolchi ham klubga kelgan vaqtidan beri yetarlicha taassurot qoldira olishmadi va asosiy tarkibdagi o‘rinlarini yo‘qotishdi.

Marmush ushbu mavsumda barcha turnirlarda 30 ta o‘yinda ishtirok etib, oltita gol urdi va uchta golli uzatmani amalga oshirdi. Reynders hisobida esa 44 ta o‘yin, yettita gol va yettita assist mavjud.