«Manchester Siti» bosh murabbiyi Xosep Gvardiola «Jirona» safida ijara asosida to‘p tepayotgan braziliyalik himoyachi Vitor Reys haqida o‘z fikrlarini bildirdi. Bu haqda City Xtra nashri xabar bermoqda.
Gvardiolaning so‘zlariga ko‘ra, yosh futbolchi Ispaniyada katta o‘sishga erishgan:
«Jirona»dan olayotgan ma’lumotlarimga ko‘ra, Vitor Reysning o‘yini hayratlanarli darajada. Uning ijaraga ketishiga yoshi sabab bo‘lgan edi — «Manchester Siti»da unda yetarli o‘yin amaliyoti bo‘lmasdi. Ammo hozir u futbolchi sifatida sezilarli darajada o‘sdi», — dedi mutaxassis.
Ma’lumot uchun, 20 yoshli Reys joriy mavsumda barcha turnirlarda 31 ta o‘yinda maydonga tushib, 2 ta golli vaziyatda (1 gol va 1 assist) ishtirok etgan. Uning «shaharliklar» bilan amaldagi shartnomasi 2029 yilgacha mo‘ljallangan.
