«Манчестер Сити» бош мураббийи Хосеп Гвардиола «Жирона» сафида ижара асосида тўп тепаётган бразилиялик ҳимоячи Витор Рейс ҳақида ўз фикрларини билдирди. Бу ҳақда City Xtra нашри хабар бермоқда.
Гвардиоланинг сўзларига кўра, ёш футболчи Испанияда катта ўсишга эришган:
«Жирона»дан олаётган маълумотларимга кўра, Витор Рейснинг ўйини ҳайратланарли даражада. Унинг ижарага кетишига ёши сабаб бўлган эди — «Манчестер Сити»да унда етарли ўйин амалиёти бўлмасди. Аммо ҳозир у футболчи сифатида сезиларли даражада ўсди», — деди мутахассис.
Маълумот учун, 20 ёшли Рейс жорий мавсумда барча турнирларда 31 та ўйинда майдонга тушиб, 2 та голли вазиятда (1 гол ва 1 ассист) иштирок этган. Унинг «шаҳарликлар» билан амалдаги шартномаси 2029 йилгача мўлжалланган.
