Angliya terma jamoasining sobiq bosh murabbiyi Fabio Kapello jamoaning yirik turnirlardagi doimiy muammolari haqida fikr bildirdi. Tajribali mutaxassisning fikricha, inglizlarga yuqori natijalarga erishishda ikkita asosiy omil xalaqit beradi.
«Doim bir xil ssenariy qaytariladi: Angliya Jahon chempionatiga charchagan holda keladi va ko‘zlarida qo‘rquv bilan to‘p suradi.
Esimda, ular Italiyaga qarshi o‘yinda 10 yoki 15-daqiqadayoq hisobda oldinga chiqib olishgandi. Biroq o‘sha lahzadan boshlab jamoa faqat uzun uzatmalarga o‘tib oldi. Ular qo‘rqishdi. Angliyaning asosiy muammosi mana shunda.
Qo‘rquv va charchoq — yangi murabbiy birinchi navbatda mana shu ikki muammoni hal qilishi kerak bo‘ladi», — dedi Kapello.













