«Manchester Siti» hujumchisi Erling Xoland o‘zining YouTube-kanalida Angliya Premyer-ligasining 33-turidan o‘rin olgan «Arsenal»ga qarshi (2:1) muhim bahs oldidan kun tartibi qanday bo‘lganini namoyish etdi.
Xususan, norvegiyalik to‘purar videoda «kanonirlar»ga qarshi bo‘lajak o‘yinni dastlab FIFA sport simulyatorida o‘tkazganini aks ettirgan. Virtual uchrashuvda Xoland London jamoasi darvozasini ishg‘ol qilib, o‘zining mashhur gol nishonlash uslubini namoyish etgan.


Qayd etish lozimki, Holandning virtual olamdagi «bashorati» haqiqiy maydonda ham o‘z isbotini topdi. 19 aprel kuni bo‘lib o‘tgan «Manchester Siti» va «Arsenal» bahsida aynan Erling 65-daqiqada g‘alaba golini kiritishga muvaffaq bo‘ldi.













