«Манчестер Сити» ҳужумчиси Эрлинг Холанд ўзининг YouTube-каналида Англия Премьер-лигасининг 33-туридан ўрин олган «Арсенал»га қарши (2:1) муҳим баҳс олдидан кун тартиби қандай бўлганини намойиш этди.
Хусусан, норвегиялик тўпурар видеода «канонирлар»га қарши бўлажак ўйинни дастлаб FIFA спорт симуляторида ўтказганини акс эттирган. Виртуал учрашувда Холанд Лондон жамоаси дарвозасини ишғол қилиб, ўзининг машҳур гол нишонлаш услубини намойиш этган.


Қайд этиш лозимки, Ҳоланднинг виртуал оламдаги «башорати» ҳақиқий майдонда ҳам ўз исботини топди. 19 апрель куни бўлиб ўтган «Манчестер Сити» ва «Арсенал» баҳсида айнан Эрлинг 65-дақиқада ғалаба голини киритишга муваффақ бўлди.













