La Liga prezidenti Xavyer Tebas Ispaniya chempionatidagi chempionlik poygasi va «Barselona»ning imkoniyatlari haqida o‘z fikrlari bilan o‘rtoqlashdi.

Liga rahbari kataloniyaliklarning hozirgi barqaror o‘yiniga qaramay, mavsum yakunigacha ochko yo‘qotishlariga ishonchi komil ekanini ta’kidladi.

«Barselona» La Ligadagi qolgan barcha o‘yinlarda g‘alaba qozona olmaydi, albatta. Bunga to‘laqonli aminman. Shu sababli, «Real Madrid» chempionlik uchun kurashishda davom etishi kerak», — dedi Tebas.

Eslatib o‘tamiz, ayni damda «Barselona» turnir jadvalida peshqadamlik qilmoqda. Madridning «Real» klubi esa kecha «Alaves» ustidan qozonilgan g‘alabadan (2:1) so‘ng oradagi farqni 6 ochkogacha qisqartirdi. Biroq kataloniyaliklarda hali bitta zaxira o‘yini mavjud.