Ла Лига президенти Хавьер Тебас Испания чемпионатидаги чемпионлик пойгаси ва «Барселона»нинг имкониятлари ҳақида ўз фикрлари билан ўртоқлашди.

Лига раҳбари каталонияликларнинг ҳозирги барқарор ўйинига қарамай, мавсум якунигача очко йўқотишларига ишончи комил эканини таъкидлади.

«Барселона» Ла Лигадаги қолган барча ўйинларда ғалаба қозона олмайди, албатта. Бунга тўлақонли аминман. Шу сабабли, «Реал Мадрид» чемпионлик учун курашишда давом этиши керак», — деди Тебас.

Эслатиб ўтамиз, айни дамда «Барселона» турнир жадвалида пешқадамлик қилмоқда. Мадриднинг «Реал» клуби эса кеча «Алавес» устидан қозонилган ғалабадан (2:1) сўнг орадаги фарқни 6 очкогача қисқартирди. Бироқ каталонияликларда ҳали битта захира ўйини мавжуд.