Bosh murabbiy Liam Rosenyorni iste’foga chiqargan Londonning «Chelsi» klubi jamoa uchun yangi ustoz qidirmoqda.Bu haqda BBC Sport jurnalistlari xabar bermoqda.
Manbaga ko‘ra, «aristokratlar»ning ro‘yxatidan uch nafar mutaxassis joy olgan. Gap Andoni Iraola («Bornmut»), Marku Silva («Fulxem») va ayni damda ishsiz bo‘lgan Edin Terzich haqida bormoqda.
London top-klubi qoniqarsiz natijalar tufayli Rosenyor bilan xayrlashdi. Angliya Premyer-ligasining 33 turidan so‘ng «pensionerlar» 48 ochko jamg‘arib, turnir jadvalida bor-yo‘g‘i sakkizinchi o‘rinda bormoqda. «Chelsi» keyingi mavsumda Chempionlar ligasisiz qolish xavfi ostida turibdi.













