«Bavariya» oxirgi 6 yil ichida ilk bor Germaniya Kubogi finalida o‘ynaydi.

Vensan Kompani jamoasi turnirning yarim finalida «Bayer»ni 2:0 hisobida mag‘lub etdi. Myunxenliklar 2019/20 yilgi mavsumdan beri Germaniya Kubogi finaliga chiqa olishmayotgan edi — o‘shanda «Bavariya» hal qiluvchi bahsda aynan «Bayer»ni mag‘lub etib (4:2), sovrinni qo‘lga kiritgandi.

Finalda «Bavariya»ga «Shtutgart» yoki «Frayburg» jamoalaridan biri raqib bo‘ladi. Ikkinchi yarim final uchrashuvi payshanba kuni, 23 aprel oqshomida bo‘lib o‘tadi.