Madridning «Real» klubi yarim himoyachisi Dani Sebalyos, katta ehtimol bilan, jamoadagi so‘nggi mavsumini o‘tkazmoqda. Ispaniyalik futbolchining shartnomasi kelasi yilning o‘rtalariga qadar mo‘ljallangan bo‘lsa-da, «qaymoqranglilar» u bilan shu yozdayoq xayrlashishi kutilmoqda. Bu haqda nufuzli insayder Fabrisio Romano o‘z hisobotida ma’lum qildi.
Potensial xaridorlar allaqachon «Real» bilan aloqaga chiqishmoqda. 29 yoshli futbolchiga Amsterdamning «Ayaks» klubi va yana ikkita nomi oshkor etilmagan jamoa da’vogarlik qilmoqda.
Dani Sebalyos 2017 yildan beri Madrid grandiga tegishli. Joriy mavsumda yarim himoyachi 22 bor maydonga tushdi, biroq samarali harakatlari bilan ajralib tura olmadi. Transfermarkt portali futbolchining bahosini 8 million yevroga baholagan.













