«Barselona» yoshlar jamoasining iste’dodli a’zosi Xuan Ernandes navbatdagi o‘yinda og‘ir jarohat oldi — uning tizzasidagi xochsimon bog‘lamlari uzildi.
Futboldagi eng murakkab jarohatlardan biri hisoblangan ushbu holatdan tiklanish uchun kamida sakkiz oy vaqt talab etiladi.
Iqtidorli futbolchi «Barselona» U19 jamoasi safida 30 ta o‘yinda ishtirok etib, 4 ta gol va 6 ta golli uzatmani amalga oshirgan edi, biroq endi u uchun mavsum muddatidan oldin yakunlandi. Bu ko‘ngilsizlik Ernandes uchun eng noqulay vaqtda yuz berdi — u yaqindagina klub bilan shartnomasini uzaytirgan va rahbariyat uni asosiy jamoada debyut qilishi uchun kuzata boshlagan edi.
