«Барселона» ёшлар жамоасининг истеъдодли аъзоси Хуан Эрнандес навбатдаги ўйинда оғир жароҳат олди — унинг тиззасидаги хочсимон боғламлари узилди.

Футболдаги энг мураккаб жароҳатлардан бири ҳисобланган ушбу ҳолатдан тикланиш учун камида саккиз ой вақт талаб этилади.

Иқтидорли футболчи «Барселона» U19 жамоаси сафида 30 та ўйинда иштирок этиб, 4 та гол ва 6 та голли узатмани амалга оширган эди, бироқ энди у учун мавсум муддатидан олдин якунланди. Бу кўнгилсизлик Эрнандес учун энг ноқулай вақтда юз берди — у яқиндагина клуб билан шартномасини узайтирган ва раҳбарият уни асосий жамоада дебют қилиши учун кузата бошлаган эди.