«Manchester Siti» vingeri Jeremi Doku bolaligida unga ilhom bag‘ishlagan futbolchilar kim bo‘lganini ochiqladi.

«To‘qqiz-o‘n yoshimda hujumchi edim. Keyinchalik, taxminan o‘n ikki yoshdan boshlab, vingerga aylandim. Menga Neymar, Messi, Riberi, Eden Azar, Robben va Ronaldinyoning o‘yinlarini tomosha qilish yoqardi. So‘ngra men o‘z uslubimni yaratdim», — deya Dokuning so‘zlarini keltirmoqda The Guardian.

Eslatib o‘tamiz, hozirda Doku 23 yoshda va u qariyb uch yildan beri «Manchester Siti» sharafini himoya qilib kelmoqda. Joriy mavsumda belgiyalik futbolchi rasmiy o‘yinlarda kam gol urgan (4 ta) bo‘lsa-da, golli uzatmalar borasida ajoyib ko‘rsatkich (13 ta) qayd etmoqda. Transfermarkt portali futbolchini 65 million yevroga baholagan.