«Манчестер Сити» вингери Жереми Доку болалигида унга илҳом бағишлаган футболчилар ким бўлганини очиқлади.
«Тўққиз-ўн ёшимда ҳужумчи эдим. Кейинчалик, тахминан ўн икки ёшдан бошлаб, вингерга айландим. Менга Неймар, Месси, Рибери, Эден Азар, Роббен ва Роналдиньонинг ўйинларини томоша қилиш ёқарди. Сўнгра мен ўз услубимни яратдим», — дея Докунинг сўзларини келтирмоқда The Guardian.
Эслатиб ўтамиз, ҳозирда Доку 23 ёшда ва у қарийб уч йилдан бери «Манчестер Сити» шарафини ҳимоя қилиб келмоқда. Жорий мавсумда бельгиялик футболчи расмий ўйинларда кам гол урган (4 та) бўлса-да, голли узатмалар борасида ажойиб кўрсаткич (13 та) қайд этмоқда. Transfermarkt портали футболчини 65 миллион еврога баҳолаган.
