«Manchester Siti» a’zosi Jeremi Doku o‘zini dunyoning eng yaxshi vingerlari, xususan, «Real» yulduzi Vinisius Junior bilan bir qatorga qo‘yish mumkinmi, degan savolga javob berdi.
«Agar gol urishni boshlasam, ularning qatorida bo‘lishimga ishonaman. Vinger gol urishi shart. Agar sermahsullikni oshirsam, muvaffaqiyatga erishishimga 100 foiz ishonchim komil.
Golli uzatmalar va xavfli vaziyatlar yaratish borasida ko‘rsatkichlarim yomon emas, lekin ko‘proq gol urishim kerak. Men gol urish oson bo‘lgan hududlarda — darvozaga yaqin masofalarda va shunga o‘xshash zonalarda ko‘proq paydo bo‘lishim lozim. Hatto mavsum davomida yaqin masofadan urilgan beshta gol ham men uchun oldinga tashlangan katta qadam bo‘ladi», — dedi Jeremi Doku.
Ma’lumot uchun, belgiyalik futbolchi joriy mavsumda APL doirasida 25 ta o‘yinda maydonga tushib, 2 ta gol urdi va 5 ta golli uzatmani amalga oshirdi.
