Londonning «Tottenxem» klubi rahbariyati jamoa inqirozga yuz tutganini va bu holat o‘z-o‘zidan o‘tib ketmasligini tushunib yetdi. The Sun nashrining xabariga ko‘ra, klubga ruhiy barqarorlikdan tashqari, ma’muriy darajada ham kuchayish zarur. Dortmundning «Borussiya» klubi sobiq sport direktori Sebastyan Kel ana shunday nomzod bo‘lishi mumkin.
Kel o‘z vaqtida Jud Bellingemning «asabiy» otasiga qarshi chiqqani bilan tanilgan edi. Bellingem «asalarilar» safida o‘ynab yurgan kezlarida, uning otasi kiyinish xonasi eshigini tepib ochishni va murabbiy o‘rnini egallashga harakat qilishni odatiy hol deb hisoblagan.
Shunday voqealardan biridan so‘ng, Sebastyan Kel katta Bellingemni tashqariga haydagan, klub rahbariyati esa futbolchilarning qarindoshlariga «Iduna Park» hududiga kirishni rasman taqiqlab qo‘ygan edi.
