Лондоннинг «Тоттенхэм» клуби раҳбарияти жамоа инқирозга юз тутганини ва бу ҳолат ўз-ўзидан ўтиб кетмаслигини тушуниб етди. The Sun нашрининг хабарига кўра, клубга руҳий барқарорликдан ташқари, маъмурий даражада ҳам кучайиш зарур. Дортмунднинг «Боруссия» клуби собиқ спорт директори Себастьян Кель ана шундай номзод бўлиши мумкин.
Кель ўз вақтида Жуд Беллингемнинг «асабий» отасига қарши чиққани билан танилган эди. Беллингем «асаларилар» сафида ўйнаб юрган кезларида, унинг отаси кийиниш хонаси эшигини тепиб очишни ва мураббий ўрнини эгаллашга ҳаракат қилишни одатий ҳол деб ҳисоблаган.
Шундай воқеалардан биридан сўнг, Себастьян Кель катта Беллингемни ташқарига ҳайдаган, клуб раҳбарияти эса футболчиларнинг қариндошларига «Идуна Парк» ҳудудига киришни расман тақиқлаб қўйган эди.
