«Anderlext»ning belgiyalik yarim himoyachisi Torgan Azar «Lans»ga o‘tishi mumkin. Bu haqda jurnalist Sasha Tavolyeri o‘zining X ijtimoiy tarmog‘idagi sahifasida xabar bermoqda.

Manbaning ma’lumotlariga ko‘ra, futbolchi shu yozda «Anderlext» bilan shartnomasi muddati tugagach, «Lans» safiga qaytishi mumkin. Azar fransuz klubi bilan hamkorlik shartlari bo‘yicha kelishib olgan, tomonlar 2028 yilning yozigacha amal qiladigan shartnoma imzolashadi.

Torgan Azar faoliyatining dastlabki bosqichida ham «Lans» sharafini himoya qilgan. Shuningdek, futbolchining faoliyatida Dortmundning «Borussiya»si, Myonxengladbaxning «Borussiya»si, PSV va boshqa bir qator jamoalar bor.