«Андерлехт»нинг бельгиялик ярим ҳимоячиси Торган Азар «Ланс»га ўтиши мумкин. Бу ҳақда журналист Саша Тавольери ўзининг X ижтимоий тармоғидаги саҳифасида хабар бермоқда.
Манбанинг маълумотларига кўра, футболчи шу ёзда «Андерлехт» билан шартномаси муддати тугагач, «Ланс» сафига қайтиши мумкин. Азар француз клуби билан ҳамкорлик шартлари бўйича келишиб олган, томонлар 2028 йилнинг ёзигача амал қиладиган шартнома имзолашади.
Торган Азар фаолиятининг дастлабки босқичида ҳам «Ланс» шарафини ҳимоя қилган. Шунингдек, футболчининг фаолиятида Дортмунднинг «Боруссия»си, Мёнхенгладбахнинг «Боруссия»си, ПСВ ва бошқа бир қатор жамоалар бор.
